Qytaı, Reseı jáne Úndistan óńirlik qaýipsizdiktiń jańa júıesin qurady
BEIJІŃ. QazAqparat - Qytaı, Reseı jáne Úndistan syrtqy ister mınıstrleriniń Aspanasty eliniń astanasyndaǵy kezdesýinde Azııa-Tynyq muhıt aımaǵy úshin birlesken konsýltatsııalyq tetik qurý jóninde ýaǵdalastyqqa qol jetkizildi. Bul týraly «China Daily» habarlady.
«Bul sheshim birlesken deklaratsııaǵa engizildi, kezdesý ótken aptada Úndistanda AQSh prezıdenti B.Obama bolǵannan keıin ótti», - dep jazady Qytaıdyń aǵylshyntildi basylymy «Qytaı, Reseı jáne Úndistan óńirlik qaýipsizdiktiń jańa júıesin qurady» degen maqalasynda.
Qytaı sarapshylardyń pikirinshe, jańa konsýltatsııalyq tetik úsh eldiń Azııa-Tynyq muhıt aýdany problemalaryn sheshýdegi is-qımylyn úılestirýge baǵyttalmaq. Mysalǵa, Qytaıdyń qoǵamdyq ǵylymdar akademııasynyń Ońtústik Azııany zertteý ınstıtýtynyń ǵylymı qyzmetkeri E.Haılın úsh eldiń óńirdiń bolashaǵy jáne bir-birimen róli jónindegi kózqarastary ártúrli dep paıymdaıdy.
