Qytaı provıntsııasynan Qazaqstanǵa alǵashqy júk konteınerleri attandy
ASTANA. QazAqparat - 1 qazan kúni Qytaıdyń Shansı provıntsııasynyń ákimshilik ortalyǵy Taııýan qalasy men Qazaqstannyń Pavlodar qalasy arasyndaǵy júk tasymaly boıynsha alǵashqy temirjol reısi iske qosyldy. Bul týraly Sınhýa agenttigi habarlady.
41 konteınerden turatyn temirjol quramy búgin tańerteń Taııýanniń "Chjýndın" logıstıkalyq parkinen attandy. Pavlodarǵa deıingi ara-qashyqtyq - 3705 shaqyrym. Eki el qalalary arasyndaǵy júk tasymaldaıtyn temirjol reısi júkterdi jetkizý merzimin jeti kúnge deıin azaıtady.
Taııýan-Pavlodar jelisi Shansı provıntsııasynan Ortalyq Azııa óńirine shyǵatyn alǵashqy júk reısi bolyp tabylady.
