Qytaı polıtsııasy Shyńjańda bes terrorısti ustady
BEIJІŃ. QazAqparat - Qytaıdyń quqyq qorǵaý organdary QHR-dyń soltústik-batysyndaǵy Shyńjań -Uıǵyr avtonomııalyq ólkesinde terrorlyq toptyń bes múshesin ustady.
Bul týraly Sınhýa agenttigi polıtsııa málimetterine silteme jasap habarlady.
Dúısenbi kúni Hotan qalasynda júrgizilgen arnaıy shara nátıjesinde polıtseıler 1,8 tonnaǵa jýyq jarylǵysh zattardy tárkiledi.
Osyǵan deıin Shyńjań-Uıǵyr avtonomııalyq ólkesinde polıtsııa mamyr aıynda terrorlyq lańkestik pen dinı ekstremızmge qatysy bar 23 uıymdy joıyp, 200-den astam kúdiktini quryqtady.
Bul toptar Hotan, Qashǵar jáne Aqsýda anyqtalǵan.
Ótken beısenbide Shyńjań-Uıǵyr avtonomııalyq ólkesiniń ákimshilik ortalyǵy Úrimji qalasynda sońǵy ýaqyttaǵy Qytaı aýmaǵynda oryn alǵan iri lańkestik oqıǵasy boldy. Terrorısterdiń shabýylynan qaza bolǵandar sany 39-ǵa jetti, taǵy 86 adam jaraqattandy.
