Qytaı polıtsııasy «aqyldy» kózildiriktermen qarýlana bastady
ASTANA. QazAqparat - Qytaı polıtsııasy qylmyskerlerdi anyqtaý úshin adamdardyń bet-álpetin skanerleıtin kózildirik aldy. Jańa qurylǵy taratylǵan alǵashqy kúnderi-aq qylmystyq toptyń jeti múshesi men jalǵan tólqujaty bar 26 adam anyqtalǵan. Bul týraly «Komsomolskaıa pravda» jazýda.
«Aqyldy» kózildirikterdi taǵyp júretin vıdeotehnıkaǵa mamandanǵan LLVision Technology nemis kompanııasy jasap shyǵarǵan. Olar jeke azamattarǵa satylmaıdy jáne tek quqyq qorǵaýshy organdarǵa jetkiziledi.
LLVision bul synaq retindegi úlgiler ekendigin atap ótýde. Onda qazir 10 myń adamnyń deregi saqtalǵan. Kózildirik kisi tulǵasyn 100 mıllısekýndtyń ishinde anyqtaı alady. Onymen bir mezgilde, kompanııanyń atqarýshy dırektory Vý Feı qylmyskerdi dál anyqtaýǵa «qorshaǵan ortadaǵy shý» keri áserin tıgizýi múmkindigin aıtýda.
Qazirgi ýaqytta qytaılyq ǵalymdar qurylǵynyń derekter bazasyna 1,3 mlrd turǵynǵa qatysty aqparatty engizýmen aınalysyp jatyr.
