Qytaı pıonerleriniń jańartylǵan ánurany bir kúnniń ishinde ınternet hıtyna aınaldy
ASTANA. QazAqparat - Qytaılyq pıonerlerdiń «Biz - kommýnızm muragerleri» ánuranynyń jańartylǵan nusqasy elde ınternet hıtqa aınaldy, dep habarlaıdy Rosbalt.
Tanymal ánniń jańartylǵan nusqasy 1 maýsym - Balalardy qorǵaý kúni qarsańynda usynylǵan.
«Bul beınede barlyǵy: ushqyshsyz ushaqtar, gımnasshylar, qyzyl galstýkter jáne ıAo Mın (ataqty qytaılyq basketbolshy), Qytaıda erekshe tanymal TFBOYS jastar toby, Qytaı Halyqtyq-azat etý armııasynyń generaly Chı Haotıan, sondaı-aq myńdaǵan sap túzep júrip bara jatqan balalar bar», - dep jazady The Wall Street Journal.
1 maýsymda keshke qaraı rolık QHR-da tanymal Weibo áleýmettik jelisinde 140 myń retvıt jınap, Jeliniń qytaılyq segmenti úzdikteriniń qataryna ilikti.
Qytaıda pıonerleri uıymy 1949 jyly qurylǵan. Qazirgi kezde onyń quramynda 150 mln. jýyq bala bar.
