Qytaı Parlamentiniń spıkeri: Nursultan Nazarbaev-– halyqaralyq qoǵamdastyqtaǵy bedeldi saıasatker

NUR-SULTAN. QazAqparat - Qytaıdyń Búkilqytaılyq halyq ókilderi jınalysy Turaqty komıtetiniń tóraǵasy Lı Chjanshý Elbasy Nursultan Nazarbaevtyń halyqaralyq deńgeıdegi joǵary bedelin jáne onyń elimizdegi tarıhı róli týraly aıtty. Bul týraly QazAqparat Májilistiń baspasóz qyzmetine silteme jasap habarlaıdy.

Konferentsııa qatysýshylaryna sóz arnaǵan Lı Chjanshý Tuńǵysh Prezıdent, Elbasy Nursultan Nazarbaevtyń memleketti qalyptastyrý, onyń saıası júıesin jetildirý jáne turaqtylyqty qamtamasyz etý jolyndaǵy eren eńbegine toqtaldy.

«Tuńǵysh Prezıdent Nazarbaev - halyqaralyq qoǵamdastyqtaǵy bedeldi saıasatker bolýmen qatar, qytaı halqynyń tileýles dosy retinde uzaq ýaqyttan beri qytaılyq-qazaqstandyq tatý kórshilik jáne dostyq yntymaqtastyqty nyǵaıtyp, Qytaıda joǵary bedelge ıe bolyp keledi» - dedi Qytaı Parlamentiniń cpıkeri.

Lı Chjanshý qos el arasyndaǵy parlamentaralyq ózara is-qımyl deńgeıin joǵary baǵalap, onyń eki el halqyna da tıimdi ekenine toqtaldy.

Sonymen qatar, Turaqty komıtettiń tóraǵasy QHR Búkilqytaılyq halyq ókilderi jınalysynyń Qytaı men Qazaqstan arasyndaǵy strategııalyq áriptestik jan-jaqty damytý maqsatynda QR Parlamenti Májilisimen yntymaqtastyqty tereńdetýge daıyn ekendigin jetkizdi.