Qytaı Parlamentine tuńǵysh ret Armııa ókili retinde qazaq áıeli depýtat bolyp saılandy

ASTANA.QazAqparat - Qytaıdyń joǵary zań shyǵarýshy organy -Búkilqytaılyq halyq ókilderi jınalysynyń (BHÓJ) 13-shaqyrylymyna 6 qazaq depýtat bolyp saılandy, dep habarlaıdy QazAqparat.

Sınhýa agenttiginde jarııalanǵan depýtattardyń tolyq tizimine Qytaıda turatyn qazaq halqynyń 6 ókili kirdi. Olardyń beseýi Shynjań-Uıǵyr avtonomııalyq ólkesinen, bireýi Qytaı Halyq-Azattyq Armııasynyń ókili retinde saılandy. Onyń esimi - Maqpal, tegi jarııalanbaı otyr. 

Aıta keteıik, Qytaı Halyq-Azattyq Armııasynyń ókili retinde qazaq depýtatynyń saılanýy Qytaı tarıhynda tuńǵysh ret tirkelip otyr. Al buǵan deıingi 12-shaqyrylymǵa Shyńjań ólkesinen 5 qazaq depýtat saılanǵan bolatyn.

Eske sala ketsek, 24 aqpan kúni Búkilqytaılyq halyq quryltaıynyń 12-kezekti turaqty komıteti barlyq 2980 depýtattyń tizimin bekitti. 13-shaqyrylym ókilettigi 2018 jylǵy naýryzdan 2023 jylǵa deıin sozylady.  Daýys berý el boıynsha ashylǵan 35 saılaý ýchaskesinde júrip, Qytaıda ómir súretin 55 ulttan 438 depýtat saılandy.

Búkilqytaılyq halyq quryltaıy 13-kezekti turaqty komıtetiniń birinshi jalpy májilisi 5 naýryz kúni Beıjiń qalasynda ótedi.

Foto: pakchinanews.pk