Qytaı óziniń GLONASS júıesiniń besinshi jerserigin ushyrdy
ASTANA. Tamyzdyń 2-si. QazAqparat - Jeksenbi kúni Qytaı óziniń «Beıdoý» ("Kompas») navıgatsııalyq júıesiniń besinshi jerserigin orbıtaǵa ushyrdy.
Bul júıe - amerıkandyq GPS pen reseılik GLONASS-tyń balamasy bolyp tabylady, dep habarlaıdy «RIA «Novostı» agenttigi.
«Chanchjen-3" ("Uly joryq-3") zymyrantasymaldaǵyshy eldiń ońtústik-batysyndaǵy Sıchen ǵarysh aılaǵynan jeksenbi kúni ushyryldy.
Qytaıdyń navıgatsııalyq júıesiniń alǵashqy jerserigi orbıtaǵa 2007 jyly shyǵarylǵan bolatyn. 2020 jylǵa qaraı 35 jerserikten turatyn bul navıgatsııalyq júıeniń kómegimen Qytaı orman jáne sý sharýashylyǵyndaǵy, kólik qatynasyndaǵy jaǵdaılardy, sondaı-aq tótenshe oqıǵalardyń aldyn alý jáne olardyń saldaryn joıý barysyn qadaǵalaıtyn bolady.
