Qytaı, Ózbekstan jáne Mońǵolııaǵa jolaýshy tasymaldaıtyn avtobýstar toqtady
Qazaqstan men Qyrǵyzstan (30), Ózbekstan (100) Reseı (300), QHR (1000), Mońǵolııa (30), Ýkraına (50) jáne Tájikstan (50) arasynda jolaýshylardy turaqty emes tasymaldaýǵa otandyq tasymaldaýshylarǵa ruqsat blankilerin berý toqtatyldy. Bul blankiler týrıstik jáne tapsyrysty marshrýttarǵa arnalǵan.
Sondaı-aq, koronavırýstyń taralýyna jol bermeý maqsatynda Reseı jáne Qyrǵyzstanmen halyqaralyq qatynastaǵy turaqty marshrýttar reısiniń sany shekteldi. Odan bólek, t uraqty jáne turaqty emes avtobýs tasymaldarynyń tranzıti toqtatyldy.
Tamaq ónimderin, halyq tutynatyn jáne medıtsınalyq maqsattaǵy taýarlardy úzdiksiz jetkizý maqsatynda júk jáne pochta jóneltilimderin avtomobıl kóligimen halyqaralyq ekijaqty jáne tranzıttik qatynasta tasymaldaý shektelmeıdi.
Sonymen qatar, tasymaldaýshylar halyqaralyq qatynasta avtomobıl kóligimen júk tasymaldaý kezinde belgilengen karantındik jáne sanıtarlyq-epıdemıologııalyq normalardy saqtaýy tıis.
- Júrgizýshi belgilengen ÝSQ-da qatań túrde júrýi, óz avtokóliginiń kabınasynda bolýy tıis jáne óz bastamasy boıynsha janar-jaǵar maı stantsııalarynan, azyq-túlik dúkenderinen, avto úshin arnaıy jabdyqtalǵan turaqtardan nemese avtokólik synǵan jaǵdaıda TQS-dan basqa qandaı da bir oryndarǵa barmaýy tıis.
- Júrgizýshi boıynan JRVI belgilerin baıqaǵan jaǵdaıda, ol óz avtomobıliniń kabınasynda qalýy, 103 nemese 112 telefondaryna qońyraý shalý, óziniń jaǵdaıy, avtomobıldiń turǵan jeri, kabınadaǵy adamdardyń sany týraly habarlaý jáne jedel járdem kóliginiń kelýin kútý kerek.
- Avtomashınany kedendik tazartqannan jáne túsirgennen keıin sheteldik tasymaldaýshy avtokólikti tıeýge jáne júkti kedendik resimdeýdi qatań túrde tıeý jáne kedendik resimdeý ornynda bolý shartymen júzege asyrýǵa tıis.
- Tıeýdi kútý kezinde avtomobıl jáne júrgizýshi júk avtomobılderine arnalǵan arnaıy turaqta bolýy múmkin.
- Júk tıelgennen jáne kedendik resimdegennen keıin júrgizýshi Qazaqstan Respýblıkasynda bolý sharttaryn saqtaı otyryp, ol arqyly Qazaqstan Respýblıkasynan ketýi tıis AÓQ-nyń shekarasyna qatań túrde ustanýǵa tıis.
- Sheteldik tasymaldaýshynyń baratyn jerine barý jáne keri qaıtý jolynda júrgizýshiniń Halyqpen, sondaı-aq baqylaýshy organdardyń ókilderimen baılanysyn barynsha azaıtý qajet.
Sonymen qatar, sanıtarlyq-epıdemıologııalyq qyzmetter keden jáne shekara qyzmetterimen birlesip, memlekettik shekara arqyly ótkizý pýnktileri anyqtalady.
