Qytaı óz «Avataryn» túsiredi
ASTANA. QazAqparat - Qytaılyq Century Media kompanııasy "Bainiaoyi" jańa 3D-fılmin túsirmek. Ol Djeıms Kemeronnyń «Avatarymen» básekelesýi múmkin, dep habarlady «Sınhýa» agenttigi.
Týyndynyń tusaýkeseri 2016 jylǵa josparlanyp otyr.
Fılm qytaılyq Chjýan etnıkalyq azshylyǵynyń folklory negizinde túsirilmek. Gýka esimdi jas jigit sıqyrly kıim - bainiaoyi tabýǵa tyrysady. Osy kıimniń kómegimen ǵana Chjýan halqyn mazalap júrgen zulym aıdahardy jeńýge bolady.
«Maqsatymyz - "Avatarǵa" básekeles bolatyn epıkalyq shyǵys fentezıin qurý», - dedi Century Media Company bas menedjeri Chjao Song. Fılm 2015 jyldyń mamyrynda Qytaıdyń ońtústiginde túsirile bastaıdy. Oǵan «Avatar» jáne «Karıb teńiziniń qaraqshylary» fılmderimen jumys istegen rejısserler jumyldyrylmaq. Sondaı-aq, «Termınator 2» jáne «Aıdahardy qalaı yryqqa kóndirýge bolady» mýltfılminiń stsenarııshisi tartylady.
