Qytaı óz aýmaǵynda sheteldik súńgýir qaıyqtardy sý betinde júzýge májbúrlemek
ASTANA. QazAqparat - Qytaı óz aýmaǵyndaǵy sý arqyly ótetin sheteldik súńgýir qaıyqtardyń ótý qaǵıdasyn ózgertetin keme qatynasy týraly zańǵa túzetý engizýdi josparlaýda.
Súńgýir qaıyqtar sýdyń betine shyǵady jáne óz marshrýttary jaıly qytaı bıligine habarlaıtyn bolady, dep jazdy qytaılyq China News Service jańalyqtar agenttigi.
«QHR aýmaǵyndaǵy sýdan ótetin sheteldik sý asty apparattary ulttyq týlaryn joǵary kóterip, sýdyń betinde qozǵalýy tıis jáne bul jaıly qytaı bıligin habardar etý qajet», - dep jazady basylym.
