Qytaı Óskemendegi zerthanaǵa 751,1 mln teńgeniń jabdyǵyn bermek

ASTANA. QazAqparat – Qytaı tarapy Óskemendegi sapa ınspektsııasy zerthanasyna quny 11,15 mln ıýan (751 176 044 teńge) bolatyn zerthana jabdyqtaryn bermek. Bul týraly «Ashyq» NQA portalynda jarııalanǵan eki el Úkimetteriniń kelisim qujatynda jazylǵan, dep habarlaıdy QazAqparat tilshisi.

«2022 jyly 14 qyrkúıekte Astana qalasynda jasalǵan QR Úkimeti men Qytaı Halyq Respýblıkasynyń Úkimeti arasyndaǵy Shyǵys Qazaqstan oblysy úshin zerthanalyq jabdyq berý týraly kelisim bekitilsin.

Qazaqstan Úkimetiniń suranymyna sáıkes, Shyǵys Qazaqstan oblysyndaǵy sapa ınspektsııasy zerthanasynyń jaǵdaıyn jaqsartý úshin Qytaı Halyq Respýblıkasy sapa ınspektsııasy zerthanasyna 11,15 mln ıýan somasynda jabdyqtar berýge kelisim beredi. Qytaı tarapy jabdyqtardy Óskemen qalasyna deıin tasymaldaýǵa, jabdyqty ornatýǵa, baptaýǵa jáne paıdalaný úshin nusqaýlyq berý maqsatynda tehnıkalyq mamandar jiberýge jaýapty. Zerthanany jobalaý, árleý, sý, elektr sııaqty jáne t.b. jabdyqtaý, olardy odan ári paıdalaný shyǵystaryn Qazaqstan ózi kóteredi», - dep kórsetilgen kelisimde.

Qujatty ashyq talqylaý 20 jeltoqsanǵa deıin jalǵasady.