Qytaı Orta Azııamen energetıkalyq áriptestikti keńeıtpek
IJІŃ. 17 qarasha. QazAqparat /Rýslan Súleımenov/ - Qarashanyń 22-nen 25-ine deıin Túrkimenstan prezıdenti Qytaıǵa attanbaq. Ekijaqty qarym-qatynastyń arasynda energetıkalyq salany damytýǵa qatysty kelisimge qol qoıylmaq, dep habarlady sársenbi kúni Beıjińdegi brıfıngte QHR-diń SІM ókili Lıý Veımın.
«Túrkimenstan - tabıǵı gazdy iri óndirýshi, al Beıjiń - energoresýrstardy ımporttaýshy Qytaı eki tarap arasynda jasalyp otyrǵan energetıkalyq yntymaqtastyqtyń tereńdeı túsýine múddeli bolyp otyr», - dedi qytaı dıplomaty.
Lıý Veımınnniń aıtýynsha, Beıjińde bolatyn bul sapar eki jaqqa da paıdaly áriptestikti, memleket arasyndaǵy dostyq qarym-qatynastardy nyǵaıta túsedi, degen úmitte.
Qytaıdyń iri China National Petroleum Corporation (CNPC) munaı kompanııasy habarlap otyrǵanyndaı, Beıjiń 2015 jylǵa qaraı Orta Azııadan ákelinetin tabıǵı gazdy bes esege ulǵaıtpaq. «Orta Azııa-Qytaı» gaz qubyrynyń qýaty jylyna 55-60 mlrd. tekshe metrge deıin jetkizilmek.
Esterińizge sala keteıik, 2009 jyly Túrkimenstan, Ózbekstan, Qazaqstan aýmaqtary arqyly QHR-dyń ShUAÓ-indegi shekaralyq Qorǵas pýnktinde aıaqtalatyn «Orta Azııa-Qytaı» gaz qubyry iske qosylǵan. Salynǵan gaz qubyrynyń qýaty 40 mlrd. tekshe metrdi quraıdy.
