Qytaı orbıtaǵa eki qashyqtan zondylaý spýtnıgin shyǵardy

BEIJІŃ. QazAqparat – Qytaıdyń orbıtaǵa eki Tianhui-6 qashyqtan zondylaý spýtnıgin shyǵarýy sátti aıaqtaldy, dep habarlaıdy QazAqparat «Sınhýa» agenttigine silteme jasap.

Olardyń málimetinshe, spýtnıkter Qytaıdyń soltústigindegi Taııýan ǵarysh aılaǵynan juma tańerteń «Chanchjen-4S» zymyran-tasyǵyshynyń kómegimen ushyrylǵan. Ol osy serııadaǵy 465-shi zymyran-tasyǵysh.

Tianhui-6 spýtnıkteri geografııalyq aqparatty kartografııalaý, tabıǵat resýrstaryn sanaý men ǵylymı tájirıbeler júrgizýge paıdalanylady.
Bıylǵy 2023 jyl Qytaı ǵarysh salasy úshin jemisti jyl bolmaq. Ǵaryshqa ushqan spýtnıkter sany boıynsha Qytaı kóshbasshylyǵy qalypty jaǵdaıǵa aınaldy. Qytaı aeroǵarysh ǵylymy jáne tehnologııasy korporatsııasy bıyl ǵaryshqa 200 ǵarysh apparatyn jiberý úshin 70-ke jýyq ushyrý uıymdastyrýdy josparlap otyr. Sol arqyly ulttyq kosmonavtıka tarıhyndaǵy rekordyn jańartady.