Qytaı Ońtústik Sýdandaǵy referendým qorytyndysyn qurmetteıdi - QHR SІM
BEIJІŃ. 8 aqpan. QazAqparat /Rýslan Súleımenov/ - Sýdannyń soltústik jáne ońtústik jaqtarynyń birlesken kúsh-jigerleriniń arqasynda Ońtústik Sýdandaǵy referendým oıdaǵydaı ótti.
Jaqynda ǵana Ońtústik Sýdandaǵy referendýmdy ótkizý jónindegi Komıssııa referendýmnyń sońǵy qorytyndysyn halyqqa resmı túrde jarııa etti. Qytaı Ońtústik Sýdandaǵy referendým qorytyndysyn qurmetteıdi, dep málim etti búgin Beıjiń qalasynda QHR SІM ókili Hýn Leı.
Qytaı dıplomatynyń aıtýynsha, Qytaı Sýdan halqynyń múddesi men tańdaýyn qurmetteıdi jáne osy eldiń ońtústik jáne soltústik jaqtarynyń beıbit ilgerleýshilikti alǵa bastyrý úshin jasap jatqan úzdiksiz kúsh-jigerin qoldaıdy. «Qytaı keńes berý men dıalog arqyly, Sýdandaǵy beıtibshilik pen turaqtylyqty saqtaý maqsatynda ózara túsinisý men ózara bir-birine jol berý negizindegi beıbitshilik týraly tegis halyqty qamtı alatyn kelisimdi júzege asyrý joly arqyly máselelerdi sheshý boıynsha taraptar odan ári kúsh-jigerlerin salady degengen úmittenedi», - dep atap ótti Hýn Leı.
Esterińizge sala keteıik, Ońtústik Sýdannyń táýelsizdigi týraly másele boıynsha ótken qańtar aıyndaǵy referendým barysynda Ońtústik halqynyń 99 paıyzyna derlik turǵyndary bóliný úshin daýys bergen. Referendým 20 jyldan astam ýaqytqa jalǵasqan Sýdannyń soltústigi men ońtústigi arasyndaǵy azamattyq soǵysqa núkte qoıǵan 2005 jylǵy kelisim aıasynda júrgizildi.
