Qytaı ómir súrýge jaramdy planeta izdeý jobasyn iske qosýdy josparlap otyr

BEIJІŃ. QazAqparat – Qytaıdyń astronomdar toby CHESS (Closeby Habitable Exoplanet Survey) jobasy aıasynda ǵaryshta ómir súrýge bolatyn planetalar izdeý úshin optıkalyq teleskop ushyrýǵa nıetti, dep habarlaıdy QazAqparat tilshisi «Sınhýa» agenttigine silteme jasap.

Jobaǵa sáıkes, aına dıametri 1,2 metr bolatyn optıkalyq teleskop Langrajdyń ekinshi núktesine (L2) jaqyn galo-orbıtaǵa shyǵarylady jáne bes jyl ishinde kún tárizdi 100 juldyzdy zertteıdi. Esepteýler boıynsha, kún tárizdi juldyzdardyń aınalasynda ómir súretin aımaqta ornalasqan ǵarysh obektileri aınalady.

Nátıjesinde Qytaı zertteýshileri Jer sııaqty jáne ómir súrýge jaramdy 50-ge jýyq planeta ashýy múmkin. Alaıda, olardyń kópshiligi jerden júzdegen jyl qashyqta ornalasqan.

Qytaı Ǵylym akademııasynyń professory Tsjı Tszıanhýanyń aıtýynsha, búgingi tańda rastalǵan ekzoplanetalardyń sany 5 myńnan asty, olardyń 50-ge jýyǵy Jerge uqsas.

«Ómir súrýge jaramdy álemderdiń ashylýy adamzat úshin úlken jetistik bolady jáne bolashaqta bizdiń ómir súrý keńistigimizdi keńeıtedi», - dep keltiredi «Sınhýa» agenttigi ǵalymnyń sózin.