Qytaı: Olımpıada chempıony bir aptaǵa túrmege jabyldy
ASTANA. 5 qarasha. QazAqparat - Júzýden Olımpıada chempıony qytaılyq Sýn ıAn avtokólikti júrgizýshilik kýáliginsiz basqarǵany úshin ómiriniń jeti kúnin abaqtyda ótkizedi. Bul týraly VVS habarlady.
Sportshy Weibo (Twitter-diń qytaılyq balamasy) paraqshasyndaǵy óziniń oqyrmandarynan keshirim suraǵan kórinedi. Júzýshini jeksenbide Qytaıdyń shyǵysyndaǵy Gýanchjoý qalasynda onyń kóliginiń artyna avtobýs soǵylǵan kezde ustaǵan eken. London Olımpıada oıyndarynda eki altyn medal ıelengen 21 jasar sportshy bul oqıǵany qatelik dep atap ótti. Osy oraıda ol óziniń bar ýaqytyn jattyǵýǵa arnaǵandyqtan, zańnamany durys bilmeıtindigin alǵa tartýda.
