Qytaı ókimeti sheteldik fılmderdiń prokatyn shektemek
ASTANA. Qańtardyń 27-si. QazAqparat - Qytaı kınoteatrlarynda otandyq kınofılmderdiń kórsetilimi barlyq ekran ýaqytynyń úshten ekisin alýǵa mindetti.
Sheteldik fılmderdiń qytaı ekranyna shyǵýyn shekteýge baǵyttalǵan Qytaı Halyq Respýblıkasy Memlekettik keńesiniń tsırkýlıarynda osy másele kóterilip otyr, dep habarlaıdy «Maıak» radıosy.
Ókimetti qytaılyq kınoáýesqoılardy ózderine tánti etken «Avatar» jáne «2010» fılmderiniń tabysy alańdatyp otyr. Atalmysh eki fılm Qytaıda prokatshylarǵa 1 mıllıard ıýan (147 mıllıon dollar) paıda ákeldi.
2009 jyly qytaılyq prokatshylardyń jalpy kassalyq paıdasynyń 45 paıyzyn sheteldik fılmder quraǵan, dep jazady «Chaına deılı» basylymy. Deıturǵanmen, keıbir sarapshylar, bul shekteý sharalary «pırattyq» beıneónimder naryǵynyń ósýine sebep bolady dep sanaıdy.
