Qytaı ókimeti: A (H1N1) tumaýynan taǵy 2 adam kóz jumdy
ASTANA. Qazannyń 31-i. QazAqparat - Qytaıda A (H1N1) tumaýynan taǵy eki adam kóz jumdy. Osylaısha, Qytaıda «dońyz tumaýynan» qaıtys bolǵandardyń sany 6 adamdy qurady,
dep habarlaıdy Associated Press agenttigi Qytaı Halyq Respýblıkasynyń Densaýlyq saqtaý mınıstrliginiń málimetterine silteme jasap.
Vedomstvonyń málimetteri boıynsha, ótken 48 saǵatta taǵy 2 myń 972 adamnan tumaý anyqtaldy. Oǵan qosa, Qytaıda tumaý oshaǵy tirkelgennen beri A (H1N1) tumaýymen aýyrýdyń 82 kúrdeli oqıǵasy oryn aldy, 29 adam saýyǵyp ketti.
Al indet bastalǵaly beri tumaý vırýsyn 44 myń 981 adam juqtyrǵan. Degenmen, bul statıstıkaǵa óz densaýlyq saqtaý júıesi bar Gonkongtaǵy ahýal týraly málimetter engizilmegen.
Qytaı ókimeti halyq arasynda egý sharalaryn júrgizýde.
