Qytaı ókili Interpoldyń jańa basshysy boldy
ASTANA. QazAqparat - Qytaılyq Men Hýnveı Halyqaralyq qylmystyq polıtsııa uıymynyń jańa prezıdenti atandy, dep habarlady uıym Týıtter paraqshasynda.
Qytaı qoǵamdyq qaýipsizdik mınıstriniń orynbasary Men Hýnveı Interpol Bas assambleıasynyń 85-shi sessııasynda uıym prezıdenti bolyp saılandy. Qytaı ókili uıymdy 2012 jylǵy qarashadan bastap basqarǵan frantsýzdyq Mıreı Belestrazıdiń ornyna keldi.
7-10 qarasha aralyǵynda tórt kún ishinde Interpolǵa múshe 161-shi eldiń 1,3 myńnan astam ókili Balıde úsh mańyzdy máseleni (lańkestikke, uıymdasqan qylmysqa, kıberqylmysqa qarsy is-qımyl) qarastyrýda.
