Qytaı muzdatylǵan ımporttyq azyq-túlikti COVID-19 vırýsyna tekserýden bas tartty

BEIJІŃ. QazAqparat - Qytaı muzdatylǵan jáne salqyndatylǵan ımporttyq ónimderdi COVID-19 vırýsyna synaqtan ótkizýdi toqtatady. Jańa erejeler 2023 jyldyń 8 qańtarynan bastap kúshine enedi. Bul týraly Qytaı Halyq Respýblıkasynyń Bas keden basqarmasynyń málimdemesinde aıtylǵan, dep habarlaıdy QazAqparat tilshisi.

Vedomstvo málimdemesinde aıtylǵandaı, 2023 jyldyń 8 qańtarynan bastap eldiń shekaralyq baqylaý beketterinde barlyq salqyndatylǵan jáne muzdatylǵan ımporttyq ónimderdi COVID-19 vırýsyna tekserý toqtatylady.

2020 jyly Qytaı bıligi koronavırýstyń taralý qaýpin azaıtý úshin ımporttyq azyq-túlikti baqylaý júıesin iske qosty. Qytaıǵa ákelingen kezde koronavırýsqa mindetti testileý arqyly mundaı ónimderdiń búkil el boıynsha jetkizilý baǵytyn baqylaıtyn tsıfrlyq platforma qurylǵan.

Eldiń Syrtqy ister mınıstrliginiń resmı ókili Van Venbın Qytaıdyń COVID-19-ǵa qarsy áreketin túzetýi jahandyq qun tizbeginiń turaqtylyǵyn qamtamasyz etetinin atap ótti.

Buryn habarlanǵandaı, koronavırýsqa «múldem tózbeýshilik» saıasatynan shyǵý QHR Densaýlyq saqtaý isteri jónindegi memlekettik komıtetiniń málimdemesinen keıin oryn aldy. Onda 2023 jylǵy 8 qańtardan bastap COVID-19 klassıfıkatsııasy COVID-19 klassıfıkatsııasy engizilgeni týraly juqpaly aýrýlar reıtınginde «A» sanatynan «V» sanatyna deıin tómendeıtini atap ótilgen.