Qytaı «Mýıfa» taıfýnyna baılanysty tótenshe jaǵdaı rejımin jarııalady
BEIJІŃ. SINЬHÝA – QazAqparat – Qytaı bıligi eldiń shyǵys jaǵalaýyna taıap qalǵan «Mýıfa» taıfýnyna baılanysty 4-shi deńgeıdegi tótenshe jaǵdaı rejımin jarııalady. Bul týraly QazAqparat Sınhýa agenttigine silteme jasap habarlaıdy.
«Boljam boıynsha, dúısenbi, 12 qyrkúıekte taıfýn Shyǵys Qytaı teńizine qaraı jyljıdy. 12-16 qyrkúıek aralyǵynda Chjetszıan, Tszıansý, Shandýn provıntsııalarynyń keıbir aýdandary men Qytaıdyń Shanhaı qalasynda nóser jańbyr jaýýy yqtımal», - dep habarlady QHR Tótenshe jaǵdaılardy basqarý mınıstrliginen.
QHR-dyń Sý tasqynyna jáne qurǵaqshylyqqa qarsy kúres jónindegi ulttyq shtaby apattyń aldyn alý, joıý jumystaryna kómektesý jáne oǵan basshylyq etý úshin Tszıansý jáne Chjetszıan provıntsııalaryna eki jumys tobyn jiberdi.
Shtab málimetinshe, monıtorıngileýdi jáne taıfýnnan keletin tabıǵı apattardan qorǵanýdy kúsheıtý úshin kúsh salý kerek. Sonymen birge kemelerge porttardy panalaýǵa jáne teńizshiler men teńizdegi qondyrǵy qyzmetkerlerine jaǵaǵa oralýǵa nusqaý berdi.
Tórtinshi deńgeı – Qytaıdyń tórt deńgeıli tótenshe jaǵdaılarǵa jaýap berý júıesindegi eń tómengisi.
Foto: Zuma/TASS
