Qytaı mınıstriniń burynǵy orynbasary: úsh-bes jyldan keıin ıýan álemdegi ekinshi valıýtaǵa aınalady
ASTANA. QazAqparat - Qytaı ıýany taıaý bes jylda ekinshi negizgi álemdik valıýtaǵa aınalady, dep málimdedi QHR kommertsııa mınıstriniń burynǵy orynbasary Veı Tszıango, dep habarlady RIA Novostı.
«Referendým saldarynan sterlıng fýntyna aýyr soqqy bolǵanyna qaramastan, fýnt jaqyn arada qaıta óse bastaıdy. Sońǵy ýaqyttaǵy fýnttyń qunsyzdanýy ıýannyń devalvatsııasyna alyp kele qoımaıdy, kerisinshe, ıýan qoldanysy arta túsedi. Esep boıynsha 3-5 jylda ıýan ekinshi álemdik valıýtaǵa aınalady», - degen Veıdiń sózin keltirdi Sınhýa agenttigi.
Ulybrıtanııada 23 maýsymda eldiń EO-daǵy músheligi boıynsha referendým ótti. Resmı derekterge sáıkes Eýroodaqtan shyǵýǵa 51,9% brıtandyq daýys berdi. Referendým nátıjesi jarııalanǵannan keıin Qytaı Halyq banki referendýmnan keıingi aldyn ala is-qımyl josparyn ázirlegenin, burynǵy bastalǵan saıasatty jalǵastyratynyn málimdedi.
Budan buryn HVQ qytaı ıýanyn SDR sebetine engizýge sheshim qabyldaǵan bolatyn . 2016 jylǵy 1 qazannan bastap qytaı valıýtasy dollar (41,73%) men eýrodan (30,93%) keıin úshinshi oryndy ıelenip, sebette 10,92% alady.
