Qytaı mıllıarder áıelderi álemdik reıtıngte kósh bastap tur
BEIJІŃ. 18 qyrkúıek. QazAqparat - Álemniń baı áıelderiniń jartysynan astamy - QHR kásipker-áıelderi, dep jazylǵan Hurun Shanhaı ǵylymı-zertteý ınstıtýtynyń jarııalanǵan esebinde
Hurun China Rich List eń tanymal «qytaı mıllıarderleriniń tizimin» qurýshy Rýpert Hýgeverftiń sózine qaraǵanda, mıllıarder áıelder sanynyń kúrt ósýi Qytaıda bızneske qolaıly jaǵdaılardyń jasalýymen baılanysty.
Qytaıdaǵy baı kásipker áıelder - bul tek qytaı tarıhy ǵana emes, ol álemdik tarıhtyń ajyramas bir bóligi. Sesebi qytaı áıelderiniń baılyǵyn álem moıyndap otyr, dep sanaıdy R.Hýgeverf.
Birinshi bolyp bul tizimde 51 mlrd. ıýan baılyǵy bar (8,33 $ mlrd) 32 jastaǵy ıAn Hýeııan tur. ıAn - ákeden mura bop qalǵan baılyqty ıemdengen jalǵyz áıel. Tabysty qytaılyq developer ákesi 2007 jyly qyzyna óz aktsııalaryn tapsyrǵan kezde ol birinshi ret Qytaıdyń baı adamdarynyń tizimine endi.
Fu Wah International Group dırektory Chen Lıhýa 37 mlrd. ıýanmen ekinshi orynda tur.
Esepke saı, Qytaıdyń baı áıelderiniń 25 paıyzy - óz dáýletin jyljymaıtyn múlik qurylysy men satýdan, 18 paıyzy qarjy jáne ınvestıtsııa salasynan jınaǵandar. 9 paıyzdan artyq mıllıarder názik jandylardyń isi densaýlyq saqtaýmen baılanysty, al basqa 9 paıyzy óndirispen aınalysady.
«Qytaı mıllıarder áıelderiniń tizimi-2013» - te 17 isker áıeldiń jeke ál-aýqaty 10 mlrd. ıýannnan asady. Qytaı áıelderiniń on biri bul tizimge alǵash enip turǵandar, olardyń beseýi asqan baılyqqa óz kúshterimen jetken.
Qytaıdyń kósh basyndaǵy 50 baı áıelderiniń 34 mıllıarderi nemese 67 paıyzy - ózderiniń kúshimen osyndaı dáýletke qol jetkizgen isker áıelder.
