Qytaı men Úndistan sút ónimderin tutyný mólsheri jaǵynan kósh basynda - M.Rakov
ALMATY. 2 qyrkúıek. QazAqparat /Ádilet Musahaev/ - Ekonomıkalyq damý jáne demografııalyq ózgerister damyǵan memleketter men damýshy elderde suıyq sút ónimderine degen suranystyń artýyna yqpal etip otyr,
dep málimdedi «Tetra Pak Ortalyq Azııa» kompanııasynyń sharýashylyq jáne ekologııa jónindegi menedjeri Maksım Rakov Almatyda ótken baspasóz máslıhaty barysynda.
Onyń aıtýynsha, Qytaı men Úndistan sút tutyný mólsheri jaǵynan kósh bastap tur. «Olarda sút pen suıyq sút ónimderine degen suranys artýda. Bul osy onjyldyq sońyna qaraı álemdik sút tutyný deńgeıiniń úshten birinen astamy osy eki eldiń enshisine tıedi degen sóz. Al, sút ónimderin bir kisideı tutynatyn Azııa-Tynyq muhıt aımaǵynyń qarqyny aldaǵy ýaqytta artpasa báseńdemeıdi»,-deıdi M.Rakov.
Sonymen qatar ol Úndistan men ózge de Azııa memleketteri ekonomıkasynyń artýyna baılanysty halyq quıyp satylatyn sútten oramdaǵy sútke aýysady degen paıymdaýyn jetkizdi. Ótken jyly damýshy elderde ishetin súttiń 51 paıyzǵa jýyǵy oramsyz satylǵan. Al bul kórsetkish aldaǵy úsh jylda 55%-ǵa, 2020 jyly 70%-ǵa jetedi dep boljanýda.
