Qytaı men Reseı arasyndaǵy taýar aınalymy rekordtyq deńgeıge jetti

ASTANA. QazAqparat –Qytaı men Reseı arasyndaǵy saýda aınalymy 2022 jyly 29,3 paıyz artyp, 190,27 mlrd AQSh dollaryn qurady. Bul jańa rekord, dep habarlaıdy QazAqparat Sınhýa aqparat agenttigine silteme jasap.

Atap aıtqanda, Qytaı taýarlarynyń Reseıge eksportynyń kólemi 12,8 paıyzǵa artyp, 76,12 mlrd dollarǵa jetti, al Qytaıǵa reseılik taýarlar ımportynyń kólemi 43,4 paıyzǵa ósip, jyldyq esepteý boıynsha shamamen 114,15 mlrd dollardy quraǵan.

Málimet QHR Bas keden basqarmasynyń veb-saıtynda jarııalandy.

Foto: RIA Novostı. Alekseı Nıkolskıı