Qytaı men Qyrǵyzstanda jer silkindi
ASTANA. QazAqparat - QR Bilim jáne ǵylym mınıstrligi Ǵylym komıtetiniń «Seısmologııalyq tájirıbe-ádistemelik ekspedııasy» MM-niń seısmıkalyq stansalar jelisi búgin 00 saǵat 51 mınýt 44 sekýndta jer silkinisin tirkedi, dep habarlaıdy QazAqparat.
Jer silkinisiniń oshaǵy Qytaı aýmaǵynda Almaty qalasynan 574 shaqyrym qashyqtyqta soltústik-shyǵysta ornalasqan. Jer silkinisiniń energetıkalyq sanaty - 10.3. MPV terbelisi -4.7. Tereńdigi 25 km.
Sondaı-aq, búgin 00 saǵat 36 mınýt 17 sekýndta taǵy bir jer silkinisi tirkeldi. Onyń oshaǵy Qyrǵyzstan aýmaǵynda Almaty qalasynan 180 shaqyrym jerde ońtústik-shyǵysta ornalasqan. Jer silkinisiniń energetıkalyq sanaty - 9.1. MPV terbelisi - 4.2. Tereńdigi 10 km.
