Qytaı men Qazaqstan arasynda jańa júk temirjol baǵyty iske qosyldy
NUR-SULTAN. QazAqparat - Bıylǵy jylǵy 1 sáýirde Nur-Sultan qalasyna Nannın qalasynyń Gýansı-Chjýan avtonomııalyq aýdanynyń (GChAA) ákimshilik ortalyǵynan pılottyq konteınerlik poıyz keldi.
Jańa qyzmet «Bir beldeý - bir jol» qazaqstandyq – qytaılyq bastamany iske asyrý sheńberinde uıymdastyryldy, dep habarlaıdy QazAqparat «Qazaqstan temir joly» ulttyq kompanııasynyń baspasóz qyzmetine silteme jasap.
Konteınerlik poıyz 17 naýryzda Nannın halyqaralyq temirjol portynan jolǵa shyǵyp, 5 myń shaqyrymnan astam joldy júrip ótip, aýyr qurylys tehnıka artylǵan 49 qyryq fýttyq konteınerdi jetkizdi.
«KTZ Express» AQ Qytaıdaǵy ókildiginiń basshysy Nursulý Jolbasqanovanyń aıtýynsha, jańa logıstıkalyq arna júkti jetkizý ýaqytyn 3 ese únemdeýge múmkindik berdi. Buryn Qurylys tehnıkasy avtomobıl kóligimen tasymaldanatyn. Jetkizý ýaqyty 45 kúnnen asatyn.
