Qytaı men Gonkongty jalǵastyratyn uzyndyǵy 40 metrlik jerasty qupııa joly tabyldy
ASTANA. 26 jeltoqsan. QazAqparat - Qytaı shekarashylary Gonkong polıtseılerimen birlesip júrgizgen arnaıy shara barysynda kontrabandashylar qazyp tastaǵan 40 metrlik qupııa týnneldi tapty. Bul týraly Bı-Bı-Sı habarlady.
Týnneldi qylmyskerler kontrabandalyq taýarlardy Gonkongtan Qytaıǵa jetkizý úshin paıdalanyp otyrǵan.
Jerasty joly Shenchjen qalasyndaǵy garajdyń ishinen bastalyp, Gonkongtaǵy erekshe ákimshilik aımaqqa qarasty qalyń qamys basqan toǵaıǵa deıin sozylǵan. Kontrabandashylar týnneldi elektr jáne jeke ventılıatsııa júıesimen jabdyqtaǵandyǵy anyqtaldy.
Mamandar týnneldi salýǵa kem degende tórt aı ýaqyt jumsalǵan dep paıymdaýda jáne bul qurylystyń narqyn shamamen jarty mıllıon dollarǵa baǵalap otyr. Endi polıtseıler Gonkongqa tereze ashqan «sáýletshilerdi» izdestirý ústinde.
