Qytaı men AQSh dızaınerleri qazaqstandyq olımpıadashylarǵa kıim tigý quqyǵy úshin kúresedi
ASTANA. 27 mamyr. QazAqparat - QR sport jáne dene shynyqtyrý agenttigine qazaqstandyq qatysýshylardyń Sochı Olımpıadasyndaǵy sherýlik formasy men sporttyq kıimderin tigý konkýrsyna qatysý úshin 22 ótinim kelip tústi, dep habarlady Vesti.kz.
Ótinimderi qabyldaý búgin aıaqtaldy. Jeti adamnan quralǵan arnaıy komıssııa - agenttik ókilderi jáne olımpıada chempıondary Olga Shıshıgına men Serik Sápıev olardyń ishinen úsh tańdaýly ótinimdi iriktep alady. Al erteń úmitkerlerdiń eskızderi Agenttik saıtyna ornalastyrylady, 30 mamyrǵa deıin onda kez kelgen adam unaǵan dızaınge daýys bere alady. Internet-paıdalanýshylar eń kóp daýys bergen jumys jeńimpaz atanady. QR sport jáne dene shynyqtyrý agenttiginiń resmı ókili Dıas Ahmetsháriptiń aıtýynsha, konkýrsqa qatysýshylardyń geografııasy áralýan.
«Konkýrstyq jumystardy bizge Qaraǵandydan, Túrkistannan, Pavlodardan joldady, - dedi Ahmetshárip, - Quralaı Nurqadilovanyń sán úıi de óziniń ótinimin berdi. Shetelden eki eskız keldi - Qytaı dızaıneri men Los-Andjeles stýdentterii».
Konkýrsqa ótinimderdi qabyldaý eki apta boıy júrgizildi.
Eske sala keteıik, Quralaı Nurqadilova 2008, 2010 jáne 2012 jyldarda bizdiń olımpıadashylarymyzdyń sherýlik kıimderin tikti, ol kezde konkýrs ótkizilgen joq, endi onyń básekelesteri bar. Úmitkerlerge daýys berý erteń, 28 mamyrda Astana ýaqytymen saǵat 12:00-de Agenttik saıtynda bastalady.
