Qytaı mektebine shabýyl jasaldy: 9 oqýshy qaza bolyp, 10-y aýrýhanada

ASTANA. QazAqparat - Qytaıdyń Shansı provıntsııasyndaǵy Mıchjı aýdanynyń mektebinde qandy oqıǵa oryn alyp, 9 oqýshy qaza boldy, taǵy 10 adam zardap shekti, dep habarlaıdy QazAqparat.

Sınhýa agenttiginiń habarlaýynsha, 1990 jylǵy er azamat 27 sáýir kúni keshqurym aýdandyq №3 orta mektep oqýshylaryna pyshaqpen shabýyl jasady.

Zardap shekken oqýshylardyń 7-eýi oqıǵa ornynda kóz jumsa, taǵy 2-eýi aýrýhanada jan tapsyrǵan. Qazir dárigerler aýyr jaraqat alǵan 10 oqýshynyń ómirin saqtap qalýǵa tyrysýda.

Jergilikti polıtsııanyń aıtýynsha, 28 jastaǵy qandyqol qylmysker kóp keshikpeı qolǵa tústi. Odan jaýap alynýda. Anyqtalǵandaı, ol osy mektepte oqyǵan jáne synyptastarynan udaıy álimjettik kórip kelgen. Óziniń bul áreketin «kek alýmen» túsindirgen.

Tergeý júrip jatyr.

 

Death toll rises to 9 in knife attack near a middle school in Shaanxi, NW China. People wait in line to donate blood for the injured https://t.co/8JJMpjItRi pic.twitter.com/Gps0i8Orzk

— China Xinhua News (@XHNews) 28 aprelıa 2018 g.