Qytaı maımyl shesheginiń aldyn alý jáne baqylaý boıynsha jospar jasady

BEIJІŃ. Sınhýa-QazAqparat – Qytaı densaýlyq saqtaý organdary maımyl shesheginiń aldyn alý jáne baqylaý josparyn jarııalady. Bul týraly beısenbide QHR Aýrýlardyń aldyn alý jáne baqylaý memlekettik basqarmasynan málim etti, dep habarlaıdy QazAqparat Sınhýa agenttigine silteme jasap.

Joǵaryda atalǵan basqarma men QHR Densaýlyq saqtaý memlekettik komıteti birlesip shyǵarǵan qujat Qytaıda maımyl shesheginiń taralý jaǵdaılaryna ýaqytyly jáne tıimdi den qoıýdy qamtamasyz etýge baǵyttalǵan.

Josparda aýrýdy dıagnostıkalaý, epıdemııalyq baqylaý jáne esep berý, sondaı-aq epıdemııaǵa qarsy áreket etý sııaqty aspektilerge qatysty maımyl shesheginiń aldyn alý jáne baqylaý erejeleri kórsetilgen.

Ol sondaı-aq epıdemııaǵa jaýap retinde búkil eldegi densaýlyq saqtaý organdary men basqa da tıisti vedomstvolar arasynda tıimdi yntymaqtastyq pen aqparat almasýǵa shaqyrady.

2022 jyldyń qyrkúıeginde Qytaıda maımyl shesheginiń alǵashqy ınfektsııasy tabyldy.

Osy jyldyń maýsym aıynan bastap eldiń birneshe provıntsııasynda kóptegen jaǵdaı tirkeldi, bul jańa jergilikti indetter men ınfektsııanyń jasyryn berilý qaýpin týdyrady.