Qytaı Malaızııaǵa eki pandany syıǵa tartty
ASTANA. QazAqparat - Qytaı Malaızııaǵa eki alyp pandany syıǵa tartty. Olar pandalardy jetkizýdi naýryz aıynda MN370 reısimen ushyp, iz-túzsiz joǵalǵan Malaysia Airlines laınerin izdeýde Malaızııa bıligimen bolǵan kelispeýshilikterge baılanysty toqtatqan edi.
Joǵalǵan ushaqtyń bortynda negizinen qytaılyq jolaýshylar bolǵan jáne resmı Beıjiń, Malaızııa «Boıngti» izdeýde barlyq múmkindikti jumsaǵan joq dep eseptedi. Degenmen, eki eldiń de bıligi ózara ornatylǵan dıplomatııalyq qarym-qatynastyń 40 jyldyq mereıtoıyna arnalǵan óz sharalaryn usyndy. Solardyń biri Malaızııaǵa eki pandanyń syıǵa tartylýy boldy.
Olardyń attary - Fýva men Fenhýan. Aýdarǵanda «baqyt» jáne «Fenıks» degendi bildiredi.
