Qytaı Lıvııaǵa qarsy bastalǵan áskerı aktsııaǵa baılanysty ókinish bildirdi
BEIJІŃ. 21 naýryz. QazAqparat /Rýslan Súleımenov/ - Qytaı birqatar elderdiń Lıvııaǵa qatysty bastaǵan áskerı áreketine baılanysty ókinish bildiredi, dep málim etti Beıjińde Qytaı Halyq Respýblıkasy Syrtqy ister mınıstrliginiń resmı ókili Tszıan ıÝı.
Keıbir elderdiń Lıvııaǵa qatysty áskerı operatsııalaryna túsindirme berý týraly saýalǵa jaýap bergen Qytaı dıplomaty, Lıvııadaǵy sońǵy oqıǵalardy qytaı tarabynyń nazarǵa alǵanyn jetkizdi jáne Lıvııaǵa qarsy bastalǵan áskerı aktsııalarǵa ókinish bildirdi.
Qytaı taraby halyqaralyq qarym-qatynastarda áskerı kúshtiń qoldanylýyna árqashan narazy jáne BUU Jarǵysynyń negizgi maqsattary men qaǵıdalaryn jáne halyqaralyq quqyq normalaryn saqtaýdy, Lıvııanyń egemendigin, táýelsizdigin, birligi men aýmaqtyq tutastyǵyn qurmetteýdi qoldaıdy, dedi Tszıan ıÝı hanym.
«Beıbit halyqtyń arasynda kóp adam qurbandyǵyna ákelýi múmkin qarýly qaqtyǵystardyń ári qaraı órshýine jol bermes úshin, Lıvııada jaǵdaı tezirek turaqtanady dep úmittenemiz», - dedi Qytaı syrtqy ister vedomstvosynyń resmı ókili.
