Qytaı lańkestiktiń kez kelgen túrin kinálap, reseılik taraptyń lańkestikke qarsy kúres sharalaryn qoldaıdy - QHR SІM
BEIJІŃ. 25 qańtar. QazAqparat /Rýslan Súleımenov/ - Máskeýdegi «Domodedovo» áýejaıyndaǵy jarylys saldarynan kóptegen adamdardyń qaza taýyp,
zardap shegýine baılanysty qytaılyq tarap lańkestik shabýyldardy kinálap otyr, delingen QHR SІM málimdemesinde.
Seısenbi kúni QHR tóraǵasy Hý Tszıntao kóptegen adamnyń ómirin alyp ketken lańkestik áreketke baılanysty Reseı prezıdenti Dmıtrıı Medvedevke kóńil aıtý jedelhatyn joldady.
Hý Tszıntao málimdegendeı, qytaılyq tarap lańkestiktiń kez kelgen túrin kinálap, reseılik taraptyń lańkestikke qarsy kúres sharalaryn batyl qoldaıdy. QHR eki el halqynyń ómiri men múlkiniń qaýipsizdigin saqtaý jáne beıbitshilikti qalyptastyrý, aımaq pen bútkil ǵalamsharda turaqtylyq pen tynyshtyqty qamtamasyz etý úshin ShYU «zulymdyqtyń úsh kúshine qarsy kúres» sheńberinde Reseımen ekijaqty baılanys pen yntymaqtastyqty nyǵaıtýǵa daıyn ekendigin alǵa tartty.
