Qytaı lańkestikpen kúresýde Reseımen belsendi yntymaqtaspaq
BEIJІŃ. Sáýirdiń 2-si. QazAqparat /Rýslan Súleımenov/ - Qytaı «lańkestik, ekstremızm jáne separatızm sııaqty úsh zulym kúshpen» kúresý salasynda Reseımen belsendi yntymaqtastyqty jalǵastyrýǵa ázir.
Bul týraly beısenbi, sáýirdiń 1-i kúni Beıjińde kezekti baspasóz máslıhatynda Qytaı Syrtqy ister mınıstrliginiń resmı ókili Tsın Gan málim etti.
Dıplomat atap kórsetkendeı, Qytaı Halyq Respýblıkasy máskeý metrosyndaǵy lańkestik shabýyldardy úzildi-kesildi aıyptaıdy jáne adamdardyń qazasyna baılanysty qaıǵyryp kóńil aıtady.
Tsın Gan óz sózinde Qytaıdyń lańkestikpen kúres jónindegi Reseıdiń kúsh-jigerin qoldaıtynyn jáne ekijaqty format pen Shanhaı yntymaqtastyq uıymy aıasyndaǵy yntymaqtastyqty nyǵaıtýǵa úmitti ekenin atap kórsetti
Buǵan deıin Qytaı Tóraǵasy Hý Tszıntao RF Prezıdenti Dmıtrıı Medvedevtiń atyna jedelhat joldap, qytaı halqy pen úkimetiniń atynan kóńil aıtqan bolatyn.
