Qytaı qyzy Janar Duǵalovanyń ánin shyrqap, tanymal án baıqaýynyń jeńimpazy atandy - VIDEO
ASTANA. QazAqparat - Ǵalamtorda qytaı qyzy qazaqtyń ulttyq bıi «Qara jorǵany» bılep, qazaqstandyq ánshi Janar Duǵalovanyń ánin shyrqaǵan beınerolık paıda boldy.
Bul ónerpaz qyzdyń esimi - Ýań Nan Feı, Qytaıdyń Іle qazaq avtonomııaly oblysynda dúnıege kelgen. Ol qazaq bıin bılep, qazaq ánin aıtýdy unatatyn kórinedi. Osy óneriniń arqasynda boıjetken Qytaıdaǵy eń tanymal án baıqaýlarynyń biri "Shıń gýań da daýdyń" aptalyq júldegeri atanyp otyr.
Qazirgi tańda Ýań Nan Feı Pekındegi Ulttar ýnıversıtetinde bilim alady.
Aıta keteıik, Janar Duǵalova biraz ýaqyt buryn Tatarstannyń Qazan qalasynda aıaqtalǵan halyqaralyq "Túrkvıjn 2014" án baıqaýynda Qazaqstan namysyn qorǵap, jeńimpaz atanǵan bolatyn.
Qazirgi tańda ol ánshilik ónerimen qosa sazgerlikke de den qoıyp keledi. Joǵaryda atalǵan halyqaralyq án dodasynda Janar sózin Rınat Zaıtov jazǵan «Іzin kórem» atty óz ánin shyrqaǵan bolatyn.
