Qytaı qyzy quny 277 myń dollar turatyn almaz tasty jutyp jibergen
ASTANA. QazAqparat - Taılandtaǵy zergerlik buıymdar kórmesinde quny 277 myń dollar turatyn alty karattyq almazdy Qytaı azamatshasy urlap alyp, jutyp jibergen.
Kóshi-qon polıtsııasy ury qyzdy Bangkok áýejaıynan ustap aldy, ol óziniń jigitimen otanyna oralmaq bolǵan.
Baǵaly zattyń urlaǵany týraly zergerlik fırmalardyń biri beısenbi kúni habarlaǵan bolatyn. Alaıaqtar baǵaly tastyń qunyn sóz etip turyp, ornyna jasandy tasty qoıyp ketken. Polıtsııa beınebaqylaýdyń túsirgen sýretterin jarııalap, nátıjesinde QHR-dyń azamatshasy qolǵa tústi. Olardyń zattaryn tintý kezinde baǵaly zat tabylmady. Ekeýi de Taılandqa demalýǵa kelgen týrıster ekenin aıtyp baqty. Alaıda alaıaqtardy rentgenge túsirgen soń 30 jastaǵy qytaı qyzy qylmysyn moıyndaýǵa májbúr boldy, dep jazady RIA Novostı .
© Foto: ANI "FIAN-Inform"
