Qytaı qyzy 15 kún qudyqta jatyp aman qaldy
ASTANA. 18 qyrkúıek. QazAqparat - Qytaı qyzy 15 kún qudyqta jatyp aman qaldy, dep habarlaıdy Qytaı BAQ ókilderi. 38 jastaǵy Sý Tsısıý 1 qyrkúıekte Henan provıntsııasyna qarasty Chjýnfen aýylyndaǵy keýip qalǵan tórt metrlik qudyqqa abaısyzda qulap ketken, dep habarlaıdy Sınhýa agenttigi.
Ol júgeri dánimen júrek jalǵap, qudyqqa aqqan jańbyr sýyn ishýdiń arqasynda aman qalǵan, dep habarlaıdy BıBıSı.
Qyzdy dúısenbi kúni órt sóndirýshiler shyǵaryp aldy, qazir dárigerdiń qaraýynda aýrýhanada jatyr.
Qudyqty bıik ósken júgeri alqaby qorshap turǵan kózge baıqalmaıtyn edi. Áıeldiń týystary ol joǵalyp ketkennen keıin-aq dereý izdeı bastaǵan, biraq nátıje shyqpaǵan.
16 qyrkúıek kúni egistikte jumys istep júrgen sharýa aıǵaılaǵan áıel adamnyń daýsyn estıdi. Órt sóndirýshilerdi de shaqyrǵan sol, delingen habarlamada.
