Qytaı Qyrǵyzstannyń ońtústiginde aýrýhana salady
BІShKEK. 1 qyrkúıek. QazAqparat /Arnur Rahymbekov/ - Qytaı úkimeti Osh qalasynda 100 tósek-orynǵa arnalǵan jańa aýrýhana keshenin salýǵa 42 mln. ıýan grant bólýge daıyn.
Osh jáne Jalalabad qalalaryn qalpyna keltirý jáne damytý jónindegi memlekettik dırektsııanyń basshysy Jantoro Satybaldyev Qytaıdyń jobalaý ınstıtýtynyń ókilderimen kezdesti. Ol qytaılyq tarapqa eldiń ońtústigindegi qalpyna keltirý jumystaryna kórsetken kómekteri úshin alǵys aıtty.
J.Satybaldyev habarlaǵandaı, tıisti qurylymdar taıaý arada aýrýhana kesheniniń qurylysynyń jobasyn jasaýǵa kirisedi.
