Qytaı kúndelikti koronavırýs derekterin jarııalaýdy toqtatty

PEKIN. QazAqparat - Qytaı Halyq Respýblıkasynyń Densaýlyq saqtaý isteri jónindegi memlekettik komıteti COVID-19 indeti týraly kúndelikti aqparatty jarııalaýdy toqtatty, dep habarlaıdy QazAqparat Sınhýa agenttigine silteme jasap.

Qytaı Halyq Respýblıkasynyń Ulttyq densaýlyq saqtaý komıssııasy jeksenbiden bastap COVID-19 indeti týraly kúndelikti aqparatty jarııalamaıdy. Tıisti aqparatty Qytaıdyń aýrýlardy baqylaý jáne aldyn alý ortalyǵy anyqtama jáne zertteý úshin shyǵarady. Bul týraly komıtettiń saıtynda jarııalanǵan habarlamada aıtylǵan.

Komıssııa mundaı aqparattyń qanshalyqty jıi shyǵarylatynyn naqtylamady. Bul qadamnyń sebepteri de aıtylmady.

Deutsche Welle habarlaýynsha, Aýrýlardy baqylaý jáne aldyn alý ortalyqtary bir kún buryn materıktik Qytaıda koronavırýstyq ólim tirkelmegenin málimdedi.

Koronavırýstyń omıkrondyq nusqasy qazir Qytaıda órship tur. Osyǵan qaramastan, QHR úkimeti kovıdke nóldik tózimdilik saıasatynan bas tartty jáne halyqty testileýdiń qatań erejeleri men saıahatqa shekteýlerdi alyp tastady. Kóptegen qytaılyqtar bul qadamdy quptady.

Bir kún buryn Qytaıda beıresmı ishki esepterine sáıkes, jeltoqsannyń alǵashqy úsh aptasynda 248 mıllıon adam nemese el halqynyń 18%-y aýrý juqtyrǵan.

Beıjińde COVID jaǵdaılarynyń kúrt ósýi kezinde keıbir sport zaldary bezgegi bar naýqastardy qabyldaý úshin ýaqytsha palatalarǵa aınaldyryldy.

Qytaıdyń kem degende 10 iri megapolısiniń bıligi qoǵamdyq kólikte júrý úshin COVID-19 synaqtaryn tekserý talabyn alyp tastaǵany belgili.

Qytaı jappaı narazylyqtardan keıin kovıd shekteýlerin jeńildetýde.

30 qarashada Qytaı bıligi qart adamdardy COVID-19-ǵa qarsy ekpe alýǵa shaqyryp jatqany habarlandy.