Qytaı QR Prezıdentiniń áleýmettik bastamalaryn qoldaıdy - QHR SІM
BEIJІŃ. QazAqparat - Qytaı Prezıdent Nursultan Nazarbaevtyń bes áleýmettik bastamasyn qoldaıdy. Bul týraly QHR SІM resmı ókili Lý Kan málim etti, dep habarlaıdy Qytaıdaǵy «QazAqparat» HAA menshikti tilshisi.
«Qytaı men Qazaqstan - tatý kórshi jáne jan-jaqty strategııalyq seriktester. Sońǵy jyldary eki memlekettiń strategııalyq kóshbasshylarynyń - Tóraǵa Sı Tszınpın men Prezıdent Nursultan Nazarbaevtyń basshylyǵymen - bizdiń elder kóptegen tabysty jáne tıimdi baılanystardy damytyp, Qytaı men Qazaqstan halqynyń ómirin jaqsartyp jatyr.
Qytaı tarapy Qazaqstan kóshbasshysynyń Qazaqstan halqynyń ómirin jaqsartý boıynsha usynystary men bastamalaryn qoldaıdy jáne ( N.Nazarbaevtyń bes áleýmettik bastamasy) Qazaqstan memlekettik qurylysynda jańa jetistikterge qol jetkizýge múmkindik beretinine senedi», - dedi ol brıfıngte «QazAqparat» HAA tilshisiniń suraǵyna jaýap bere otyryp.
Sondaı-aq, ol Qazaqstan-Qytaı yntymaqtastyǵy memleketaralyq qatynastardy damytý jáne kórshiles elderdiń ózara is-qımyly úshin úlgi bolatynyn atap ótti.
