Qytaı qoryqtaryndaǵy panda aıýlarynyń sany eki esege kóbeıdi
ASTANA. QazAqparat - Qytaı bıligi eldegi qoryqtarda búgingi tańda 422 iri panda aıýlary tirshilik etip jatqandyǵyn málim etti. Bul osydan on jyl burynǵyǵa qaraǵanda eki esege artyq.
Bulaı kúrt kóbeıýge janýarlardy ósirýdiń tıimdi ádisterin qoldanýdyń arqasynda múmkin boldy. Sondaı-aq olardyń ómir súrý jaǵdaılary da jaqsarǵan. Ataı ketsek, ótken jyly týǵan 43 qonjyqtyń 40-y tiri qalǵan. Bir qyzyǵy, olardyń basym bóligi - egizder.
Mamandardyń baǵalaýynsha, Qytaıda jabaıy tabıǵat aıasynda 2 myńǵa jýyq panda aıýlary tirshilik keshýde, dep habarlaıdy Sınhýa.
