Qytaı korporatsııasy AQSh Prezıdenti ákimshiligine qarsy sotta jeńip shyqty
ASTANA. QazAqparat - Federaldyq okrýg boıynsha AQSh-tyń apellıatsııalyq soty Ralls (AQSh-taǵy iri qytaılyq SANY mashına jasaý kompanııasynyń ókildigi) kompanııasynyń talaparyzy boıynsha oń sheshim shyǵardy. Sot Barak Obamaǵa jáne AQSh-tyń Shetel ınvestıtsııalary komıtetine (CFIUS) qatysty kompanııa talap aryzyn oń sheshti, dep habarlady "Sınhýa" aqparattyq agenttigi.
2012 jyly qyrkúıekte «Ralls» kompanııasy Oregon shatatyndaǵy AQSh áskerı-teńiz bazasyna jaqyn jel generatorynyń 4 elektr stansasyn satyp almaq bolǵan. AQSh Prezıdent ákimshiligi men Shetel ınvestıtsııa komıteti ulttyq qaýipsizdik múddelerine baılanysty nysandardy satýǵa tyıym salǵan. Buǵan qytaılyq kompanııa narazy bolyp, sotqa shaǵymdanǵan.
Sot amerıkalyq tarap Qytaı korporatsııasynyń quqyqtary men múddelerine qysym jasady jáne qytaılyq tarapqa talap etilgen ruqsatty berýi tıis dep sheshken. Qaýly mátininde qytaı fırmasynyń qyzmetine qatysty Obamanyń tyıymy normatıvtik bazaǵa qaıshy keledi jáne prezıdenttik ákimshilik boljam jasamaı, óz is-áreketterinde zańǵa súıenýi tıis delingen.
