Qytaı koronavırýsqa qarsy vaktsınany jyl aıaǵynda shyǵarmaq
Qytaı ulttyq farmatsevtıkalyq korporatsııasy（China National Pharmaceutical Group Corp jasaǵan koronavırýsqa qarsy vaktsına klınıkalyq zertteýlerdiń úshinshi kezeńine ótti.
Osy eldegi sarapshylardyń paıymdaýynsha, vaktsınany tirkeý protsesi aıaqtalǵannan keıin, 2020 jyldyń jeltoqsan aıynda óndiriske shyǵarylady dep kútilýde.
Qytaı ulttyq farmatsevtıkalyq korporatsııasynyń quramyna kiretin eki ǵylymı-zertteý ınstıtýty (Beıjiń men Ýhanda ornalasqan) bir mezgilde koronavırýsqa qarsy vaktsına boıynsha ǵylymı-zertteý jumystaryn júrgizgenin atap ótken jón. Vaktsınalar óndirisin de osy eki ınstıtýt júzege asyrady.
Beıjińdegi ǵylymı-zertteý ınstıtýty jylyna 120 mıllıon vaktsına shyǵara alady, al Ýhandaǵy ınstıtýty jylyna 100 mıllıon vaktsına shyǵarýǵa qaýqarly.
Qytaılyq mamandar vaktsınanyń baǵasy 1000 ıýannan（shamamen 60 000 teńge) aspaıdy dep otyr.