Qytaı koronavırýsqa qarsy spreı túrindegi vaktsınany klınıkalyq synaqtan ótkizedi
Qytaılyq BAQ-tyń habarlaýynsha, jaqynda Qytaıdyń Ulttyq medıtsınalyq ónimderdi basqarý mekemesi koronavırýstyń aldyn alý úshin murynǵa arnalǵan spreı túrindegi vaktsınany klınıkalyq synaqtan ótkizý týraly ótinishin maquldady.
Vaktsınany Gonkong ýnıversıtetiniń zerthanasy, Sıamen ýnıversıtetimen jáne Vantaı bıologııalyq farmatsevtıkalyq（Beijing Wantai Biological Pharmacy）kompanııasymen birlesip jasaǵan.
Qytaılyq BAQ-tyń habarlaýynsha, bul vaktsına SARS-CoV-2 týyndatqan jańa koronavırýstyq pnevmonııanyń (COVID-19) aldyn alýǵa qoldanylady. Vaktsına murynǵa arnalǵan spreımen vaktsınatsııalanady. Teorııalyq turǵydan vaktsına organızmde jańa koronavırýsqa qarsy ımmýndyq qorǵanys týdyrady, sol arqyly jańa koronavırýstyń áserinen bolatyn pnevmonııanyń aldyn alady.
Habarlamalarǵa sáıkes, aldynda janýarlarǵa jasalǵan tájirıbeniń nátıjeleri vaktsınanyń qaýipsizdigi men ımmýnogendiligi jaqsy ekenin kórsetti.
Qazirgi kezde ǵylymı-zertteý mekemesi klınıkalyq zertteýlerdiń birinshi kezeńin bastady. Birinshi klınıkalyq kezeńniń negizgi maqsaty - koronavırýstyq vaktsınanyń qaýipsizdigin baǵalaý jáne onyń ımmýnogendigin zertteý.
Vantaı bıologııalyq kompanııasynyń osy vaktsınany jasaýǵa salǵan ınvestıtsııasy qazirgi ýaqytta shamamen 5,25 mıllıon ıýandy（330 mıllıon teńge） quraıdy dep málimdedi. Vaktsına jasaýshylar klınıkalyq zertteýler qansha ýaqytqa sozylatynyn aıtpady.
Osyǵan deıin Qytaıda alǵash ret murynǵa shashatyn spreı túrindegi tumaýǵa qarsy vaktsına jasalǵandyǵyn jazdyq.