Qytaı qorǵanys salasyna bólinetin qarjyny ulǵaıtady
ASTANA. QazAqparat - Qytaı qorǵanys salasyna bólinetin shyǵysty 7 paıyzǵa arttyrady. Bul týraly Búkilqytaılyq halyq ókilderi jınalysynyń 12-shi shaqyrtylymy 5-shi sessııasynyń ashylýynda QHR joǵary zań shyǵarý organynyń resmı ókili Fý In aıtty, dep jazdy TASS.
«Ár jyly úkimet qorǵanys salasyna shyǵystardy aıqyndaıdy. 2017 jyly bizdiń bıýdjet shamamen 7 paıyzǵa ulǵaıady, shyǵystar úlesi eldiń JІÓ-niń 1,3 paıyzyn quraıdy», dedi ol AQSh-tyń ásker salasyna bólingen shyǵystarynyń kóbeıgenin atap ótip.
«Mıýnhende qaýipsizdik konferentsııasynda bolǵanymda onyń qatysýshylary qorǵanys salasyna qatysty shyǵysty 2 paıyzǵa ulǵaıtýdy usyndy. Sol sebepten de biz áskerı shyǵystardy ulǵaıtýdy jalǵastyra bermekpiz, - dep qosty resmı ókil.
Fý In ótken onjyldyqta iri janjaldar men soǵystar bolyp, ol shyǵyndy da bosqyndar sanyn da ulǵaıtqandyǵyn atap ótti.
«Qytaı basqa elge birde-bir ret zııan keltirgen emes», - dep atap ótti ol.
Shekaralyq, teńizdegi daýlarǵa qatysty aıtsaq, qytaılyq bılik «kelispeýshilikti dıalog jáne konsýltatsııa arqyly beıbit sheshýge shaqyrady».
«Eger Ońtústik Qytaı teńizindegi jaǵdaı týraly aıtsaq, jaǵdaı jaqsaryp keledi. Onyń keleshegi kóp jaǵdaıda, AQSh áreketine baılanysty bolmaq», - dep sanaıdy Fý In.
Qytaıdyń áskerı bıýdjetin 2016 jyly ótken jylmen salystyrǵanda, 7,6 paıyzǵa, ıaǵnı, 954 mlrd ıýanǵa (okolo $146 mlrd jýyq) deıin ulǵaıtý josparlanǵan. 2015 jyly Qytaıdyń qorǵanysqa bólingen shyǵystary 887 mlrd ıýan (2015 jylǵy naýryz baǵamy boıynsha $144,2 mlrd) deńgeıinde bolǵan. Bul 2014 jylǵy kórsetkishten 10,1 paıyzǵa artyq.
