Qytaı Koreıa jarty aralyndaǵy jaǵdaıǵa alańdaýly
BEIJІŃ. 24 qarasha. QazAqparat /rýslan Súleımenov/ - Qytaı Koreıa Respýblıkasynyń batysyna qaraı ornalasqan Enphendo aralynyń QHDR tarapynan artıllerııalyq atysqa ushyraǵandyǵy týraly aqparatty nazaryna aldy.
Bul týraly seısenbi, 23 qarasha kúni Beıjińde ótken kezekti baspasóz máslıhaty barysynda QHR SІM resmı ókili Hýn Leı málim etti.
Qytaı dıplomatynyń habarlaýynsha, shyn máninde jaǵdaıdyń qandaı ekendigi áli naqtylaýdy qajet etedi. Qytaı sáıkes taraptardy Koreıa jarty aralyndaǵy beıbitshilik pen turaqtylyqqa aparatyn is-áreketerdi qolǵa alýǵa shaqyrady.
«Biz osy oqıǵaǵa baılanysty alańdaýshylyq bildiremiz», - dep atap ótti ol.
Seısenbi, 23 qarasha kúni Koreıa Respýblıkasynyń batysyna qaraı ornalasqan Enphendo aralyn QHDR tarapy zeńbirekpen atqylaǵan bolatyn. Ońtústikoreıalyq ásker oǵan qarsy oqpen jaýap bergen. Phenıan osy oqıǵaǵa qatysty áli resmı túrde málimdeme jasaǵan joq.
