Qytaı konteınermen tasymaldanatyn júkke ǵana shekteý qoımaıdy – QTJ ókili
«Astyq eksportynyń basty baǵyty – Qytaı. Bul qazir ol problemalyq baǵyt bolyp tur. Áńgimeni dál osy problemadan bastaǵym kelip otyr. Astyq vagondarǵa naýryz aıynda-aq tıelip qoıǵan. Sonyń kóbi áli shekaradan óte almaı tur. Pandemııaǵa baılanysty Qytaı taraby shekteýler qoıyp otyr. Biraq búkil jospardy eki jaq ta maquldaǵan bolatyn. Sol jospardyń ózimizge qatysty tusyn túgel oryndadyq. Ázirge Qytaı tarabynyń shekteýleri jalǵasyp jatyr. 20 shildeden bastap barynsha jyldamdatyp qabyldaı bastaýǵa ýede bergen bolatyn. Biraq ázirge Qytaı jaǵynda, ásirese, «Dostyq» stansasynda ondaı qabyldaý áli joq», - deıdi «Qazaqstan temir joly» UK» AQ basqarma tóraǵasynyń orynbasary Oralhan Qulaqov.
Kompanııa ókili astyq eksporttaýshylarǵa tasyml tásilin ózgertýdi usynyp otyr. Burynǵy sýsymaly júk tıeýge arnaǵal vagondardyń ornyna konteıner qoldaný tıimdi ekenin kórsetse kerek.
«Qazaqstan temir jol» ulttyq kompanııasy osy baǵyttaǵy tasymaldy toqtatpaýdy usynyp otyr. Biraq burynǵy kólemdi, ámbebap, arnaıy vagondardan bas tartyp, konteınerdegi tasymalǵa kóshýdi oılastyryp otyrmyz. Qytaı naryǵynda suranys joǵary. Bul másele úkimet deńgeıinde kóterildi. Úkimet basshysy osy másele boıynsha usynysymyzdy tyńdady. Open Top konteınerlerin shyǵarý boıynsha jol kartasy daıyndalyp jatyr. Bizde tasymaldyń mundaı túri buryn bolmaǵan. Astyq tasymalyn mýltımodeldik tasymalǵa kóshirý arqyly ınfraqurylymdyq kedergilerdiń bárin joıa alamyz. Qytaı shekarasynda búginge deıin konteınerdegi tasymal bir kún de keshiktirilgen joq. Sondyqtan konteınerdegi tasymal Qytaı baǵyty boıynsha óte ózekti», - degen akıtsonerlik qoǵamnyńbasqama tóraǵasynyń orynbasary nege dál qazir osyndaı talap týyndap otyrǵanyn túsindirdi.
«Sebep bireý ǵana. Qytaıdan Eýropaǵa jiberilip jatqan konteınerlik tasymal kólemi artyp otyr. Ásirese Qytaıdyń ishkeri aımaqtarynan, ońtústik-shyǵystaǵy porttanyna shyqqan júkterdiń bári qurlyq arqyly konteınerde tasymaldanyp jatyr. Konteıner tıegen vagondar qazir «Alashankoý» stansasy arqyly ótedi. Sýsymaly júkti dástúrli vagondarǵa tıeý balansy qazir qatty buzylǵan. Pandemııa táýekelderine baılanysty Qytaı naryǵynda konteınermen tasymaldanatyn júkke degen suranys joǵary.
Osyǵan baılanysty búkil eksporttaýshylarǵa júk jetkizý tásilin qaıta qaraýdy usynamyn. Sýsymaly júk tasymaldaýshylarǵa óz usynysymyzdy aıtyp otyrmyz. Eksporttaýshylarǵa óz júgin ýaqytynda túsirý kezinde qıyndyqqa tap bolmaý úshin konteınerdegi tasymal tarıfiniń sharttaryn qarap jatyrmyz», - dedi Oralhan Qulaqov.
