Qytaı kompanııasy Túrkistanda shubat pen qymyzdyń untaqty qospasyn óndiredi
BEIJІŃ. QazAqparat - Túrkistanda shubat pen qymyzdyń untaqty qospasy óndirisin, sondaı-aq tamshylatyp sýarý úshin jabdyq daıyndaý boıynsha OQO-da zaýyt salý jobasyn iske asyrý barysyn Qytaıdaǵy Qazaqstan elshisi Shahrat Nuryshev pen «Golden Camel» JShS bas dırektory ıAn Tsze talqylady. Bul týraly Beıjińde «QazAqparat» HAA menshikti tilshisi habarlady.
Qytaı bıznesmeni Túrkistan qalasynda taıaý ýaqytta kúndelikti ónimdiligi 100 tonnaǵa deıin qymyz ben shubat qaıta óńdeıtin zaýyt salý bastalatynyn atap ótti. Atalmysh zaýyttyń ónimin QHR-ǵa, Eýropa Odaǵy jáne Taıaý Shyǵys elderine eksporttaý josparlanýda.
Budan basqa, ıAn Tsze OQO aýmaǵynda qazirgi ýaqytta tamshylatyp sýarý úshin jabdyq óndirý boıynsha zaýyt salýǵa tehnıkalyq-ekonomıkalyq negizdeme ázirlengenin habarlady.
Sh. Nuryshev kásiporyn basshysyn elimizdegi ınvestıtsııalyq klımatpen, Qazaqstanda iske asyrylyp jatqan «Nurly jol» baǵdarlamasy jáne QR men QHR arasyndaǵy ındýstrııalandyrý jáne ınvestıtsııa baǵdarlamalarynyń negizgi erejelerimen tanystyrdy.
«Golden Camel» kompanııasy - QHR-dyń soltústik-shyǵysyndaǵy Heılýntszıan provıntsııasynyń sý únemdeıtin sýlandyrý júıesin óndirý jáne agroónerkásiptik keshendi ındýstrııalandyrý boıynsha kóshbasshysy - «China Daqing Gold Land of Water-saving Engineering Co.Ltd» kompanııasynyń enshiles kompanııasy bolyp tabylady.
